Пункт пропуска "Лоша" в Островецком районе начал работать в статусе международного
11:34 / 17.02.2017
З 15 снежня 2015 года на працягу месяца тут праходзіў эксперымент, які пацвердзіў, што адкрыццё яшчэ аднаго міжнароднага пункта пропуску палепшыць сітуацыю на беларуска-літоўскай мяжы і будзе карыстацца попытам у грамадзян розных краін. Падчас эксперыменту пункт пропуску працаваў не ў кругласутачным рэжыме. З 17 лютага пропуск легкавых аўтамабіляў вядзецца на працягу сутак. І толькі за першую гадзіну працы міжнароднага пункта яго перасеклі ў абодвух накірунках 8 аўтамабіляў.
– Перасякаць мяжу праз пункт пропуска “Лоша-Шумскас” даводзіцца часта, – расказаў госць з Літоўскай Рэспублікі Іван Малышка. – Я нарадзіўся на Астравеччыне, у Градаўшчызне, цяпер жыву ў Шумску – і магчымасць наведаць радзіму, а потым вярнуцца ў Літву ў любы час, мяне ўзрадавала.
Міжнародны аўтамабільны пункт пропуску “Лоша-Шумскас” стаў трэцім міжнародным у Астравецкім раёне: яшчэ адзін аўтамабільны знаходзіцца ў Катлоўцы, чыгуначны – у Гудагаі.
Алена ЯРАШЭВІЧ, фота аўтара.