У школьников начался новый сезон интеллектуальных игр
10:43 / 27.10.2016
11
Зала Астравецкага цэнтра творчасці дзяцей і моладзі – на жаль, за гульні ў прасторнай спецыяльна абсталяванай зале Мальскага Дома культуры, з дзяцей, як і з дарослых, патрабуюць грошы, таму лепш у цеснаце, ды не ў крыўдзе, – сабрала каманды малодшых ювеналаў: “Сняжынка феадала” з СШ №1, “Апельсін” з гімназіі №1, «Іскарка» з Гервяцкай СШ, «Дружба» з Варнянскага НПК, «Экстрым» са Спондаўскага НПК, «Эрудыты» з СШ №2, «Галаваломка» з Альхоўскай СШ, а таксама каманды Гудагайскай СШ і Падольскага НПК.
Традыцыйна два туры былі з “падказкай” – тэматыку пытанняў арганізатары азначылі загадзя: “Дзень маці” і “Моладзь за бяспеку”. Трэба сказаць, што пакет пытанняў “бяспечнага” тура, а таксама прызы для яго пераможцаў падрыхтаваў раённы аддзел па надзвычайных сітуацыях.
Першы тур, прымеркаваны да свята матуль, прынёс перамогу “Сняжынцы феадала”. У другім туры, які заклікаў дзяцей заўсёды помніць правілы бяспекі, лідарам стала варнянская “Дружба”. А бліснула інтэлектам у “рознашэрсных” пазнаннях – туры “Асарці” – “Галаваломка” з Альхоўкі.
Месцы па выніках гульні размеркаваліся дастаткова прадказальна – звычайна лідары тураў выходзяць пераможцамі і прызёрамі “Што? Дзе? Калі?”. І ў гэтым спаборніцтве фартуна абрала сабе тыя каманды эрудытаў, якія ўпэўнена і настойліва ішлі да перамогі.
“Зламалі галовы”, але ўзабраліся на першую прыступку п’едэстала альхоўскія інтэлектуалы. Сапраўднае сяброўства і ўзаемападтрымка да-памаглі варнянцам заваяваць другое месца. А на бронзу “наіскрылі” ажно дзве каманды – з Гервят і Гудагая.
Усе фіналісты былі ўзнагаро-джаны дыпломамі аддзела адукацыі, спорту і турызму, сувенірамі і салодкімі прызамі. Сезон адкрылі самыя маленькія ўдзельнікі інтэлектуальнага руху, а ўжо ў лістападзе будуць гуляць старшыя ювеналы.
Ну што ж, у добры шлях!
Маргарыта КАЧАН.
Фота з архіва ЦТДіМ.