Праздничные мероприятия в честь Дня Независимости Республики Беларусь начались в Островце 2 июля
14:11 / 02.07.2015
Святочныя мерапрыемствы, прымеркаваныя да галоўнага свята нашай краіны – Дня Незалежнасці Рэспублікі Беларусь, пачаліся ў Астраўцы 2 ліпеня ўскладаннем кветак і вянкоў да помніка савецкім воінам і партызанам.А потым у кінаканцэртнай зале «Астравец» прайшоў урачысты сход «Беларусь – ад вызвалення да незалежнасці», у рамках якога адбылася акцыя Беларускага рэспубліканскага саюза моладзі «Квітней, Беларусь!»
Падчас урачыстага мерапрыемства ордэнам Маці былі ўзнагароджаны жыхарка Гудагая Караліна Сцяпанаўна Мілашэўская і астраўчанкі Эдзіта Іосіфаўна Мундуць і Таццяна Аркадзьеўна Сафронава.
Урачысты сход прадоўжыўся эстрадным канцэртам зорак беларускай эстрады Івана Буслая, Дарыі і Аляксея Гроса.
А закончылася мерапрыемства агульнарэспубліканскай акцыяй «Праспяваем гімн разам!»
Алена ЯРАШЭВІЧ.
